Քաշմիրում ռազմաբազայի վրա հարձակման հետեւանքով 17 զինվորական է սպանվել

Հնդկական Քաշմիրում ռազմաբազայի վրա հարձակման հետեւանքով 17 զինվորական է սպանվել:

Պաշտոնական տվյալներով զինված անձինք ներխուժել են ռազմաբազայի տարածք, կրակ բացել, ապա նռնակներ նետել զինվորականների ուղղությամբ: Փոխհրաձգությունը տեւել է մի քանի ժամ: Բոլոր հարձակվողները սպանվել են:

Ավելի վաղ Քաշմիրում  դպրոցական տղայի թաղման արարողությունը վերաճել էր  համընդհանուր բողոքի ակցիայի: Տղան կորել էր քաղաքում, ապա գտել էին նրա դին` հրազենային վնասվածքներով:

Հազարավոր քաշմիրցիներ խախտել են հայտարարված պարետային ժամը` մասնակցելու դպրոցականի հուղարկավորությանը:

Նշենք, որ հուլիսից քաղաքացիների ու իրավապահների բախումների հետեւանքով արդեն 80 մարդ է մահացել: