Նախարարի պաշտոնակատարը ողբերգական չի ընդունի իր չվերանշանակվելը

Քաղաքաշինության նախարարի պաշտոնակատար Նարեկ Սարգսյանը նորմալ է համարում, որ նոր վարչապետը գա և նոր թիմ ձևավորի: «Սրանից երեք տարի առաջ չեմ եղել նախարար, աշխատել, ապրել եմ»,- այսպես նա մեկնաբանեց իր հնարավոր պաշտոնանկության մասին տեղեկությունները և ընդգծեց, որ ողբերգություն չի լինի, եթե չհայտնվի նոր կառավարությունում:

Սարգսյանը շեշտեց, որ իր համար մտահոգիչ կլինի, որ իր օրոք մշակված երկու օրենքի ընդունում կասեցվի: Նա նշեց, որ օրենքներից մեկն արդեն խորհրդարանում է, իսկ մյուսը՝ «Ճարտարապետության մասին» օրենքը, նոր պետք է ընդունվի կառավարության կողմից: Պաշտոնում չվերանշանակվելու դեպքում Սարգսյանը պատրաստվում է նոր նախարարին խնդրել հետամուտ լինել իր օրոք մշակված օրենքների կատարմանը: