Կիրթ սերունդը մեր երկրի առաջընթացի գրավականն է. վարչապետի շնորհավորական ուղերձը

Վարչապետ Հովիկ Աբրահամյանի ուղերձը Գիտելիքի և դպրության օրվա առթիվ.

«Սիրելի հայրենակիցներ, մանկավարժներ, ուսանողներ և աշակերտներ, գիտության ու կրթության գործի նվիրյալներ 

Շնորհավորում եմ ձեզ Սեպտեմբերի 1-ի` Գիտելիքի և դպրության օրվա կապակցությամբ: 

Այս օրը հնարավորություն է տալիս մեկ անգամ ևս վերաիմաստավորելու կրթության, գիտության իրական արժեքն ու անգնահատելի դերը ինչպես անհատի, այնպես էլ պետության կայացման և զարգացման գործում: Կիրթ սերունդը մեր երկրի առաջընթացի գրավականն է: 

Այս օրը նշանակալից է հատկապես առաջին դասարանցիների համար, քանի որ այն նշանավորում է նրանց կյանքի կարևորագույն փուլի սկիզբը: Թող այն դառնա հաջողությունների, ձեռքբերումների և կյանքում ինքնահաստատման սկիզբ: 

Ուզում եմ շեշտել, որ կրթության ոլորտում իրականացվող բարեփոխումները կառավարության առաջնահերթ ծրագրերից են՝ ուղղված կրթության որակի շարունակական բարձրացմանը և կրթության մատչելիության ապահովմանը:
Եվս մեկ անգամ շնորհավորելով այս կարևոր օրվա առթիվ` մաղթում եմ հաջողություններ ուսումնական գործընթացում, խաղաղություն և բարօրություն»: