Վանաձորում և Գյումրիում թեժ ընտրապայքար է սպասվում

ՏԻՄ ընտրությունների ժամանակացույցը ԿԸՀ-ն պաշտոնապես հաստատել է: Այսպիսով`  Գյումրիում ու Վանաձորում ՏԻՄ ընտրությունները կկայանան հոկտեմբերի 2-ին: Ընտրություններն անցկացվելու են նոր ընտրակարգով.  անցկացվելու են ավագանու ընտրություններ՝ համամասնական ընտրակարգով, ավագանու կազմից էլ ընտրվելու է քաղաքապետը:

Ընտրություններին մաս­նակցող կուսակցությունների և դաշ­ինքների ընտրական ցուցակների գրանցումը նախատեսված է օգոստոսի 28-ից սեպտեմբերի 9-ը:

Գյումրիում հոկտեմբերի 2-ին կայանալիք ՏԻՄ ընտրությունների առաջադրումներն արդեն ավարտվել են: Ըստ այդմ` ընտրապայքարին կմասնակցեն 10 կուսակցություն և 1 դաշինք` ընդհանուր թվով` 422 թեկնածու:

Գյումրու ՏԻՄ ընտրություններին մասնակցում են`

ՀՅԴ-ն՝ 33 թեկնածուով, ցուցակը գլխավորում է  Աշոտ Կուրղինյանը,  

ՀՀԿ-ՔԴԿ  «Բալասանյան» դաշինքը` 99 թեկնածուով, ցուցակը գլխավորում է գործող քաղաքապետ Սամվել Բալասանյանը,  

ԳԱԼԱ-ն՝  24 թեկնածուով, գլխավորում է Վահան Խաչատրյանը,

«Հայկական վերածնունդը»`  90 թեկնածուով՝ Հովհաննես Մարգարյանի գլխավորությամբ,

ԲՀԿ-ն  49 թեկնածուով՝ Վարդևան Գրիգորյանի գլխավորությամբ,

ՀԱԿ-ը՝ 22 թեկնածուով՝ Եպրաքսյա Սիմոնյանի գլխավորությամբ,

«Քաղաքացիական պայմանագիրը»՝ 17 թեկնածուով՝ Արթուր Համբարձումյանի գլխավորությամբ,

«Համախմբում» կուսակցությունը՝ 33 թեկնածուով` Հովհաննես Ասոյանի գլխավորությամբ,  

«Ալյանս» կուսակցությունը՝ 23 թեկնածուով` Արմեն Բադալյանի գլխավորությամբ,

«Գործարար» կուսակցությունը՝ 16 թեկնածուով` Գեղամ Բաղդասարյանի գլխավորությամբ:

Վանաձորում ՀՅԴ-ն առաջադրել է 38 թեկնածու` Նելսոն Մամուլյանի գլխավորությամբ, ԲՀԿ-ն` 28 թեկնածու`  Այծեմնիկ Օհանյանի գլխավորւթյամբ, «Լուսավոր Հայաստան»-ը`  35 թեկնածու` Քրիստ Մարուքյանի գլխավորությամբ, «Համախմբում»-ը` 33 թեկնածու` Վահան Ղույումչյանի գլխավորությամբ, ՀԱԿ-ը` 33 թեկնածու` Ռուբեն Ոսկանյանի գլխավորությամբ,  ՀՀԿ-ն՝ 68 թեկնածու` Մամիկոն Ասլանյանի գլխավորությամբ, «Հայկական վերածնունդ»-ը` 70 թեկնածու`  Արկադի Փելեշյանի գլխավորությամբ, «Քաղաքացիական պայմանագիր»-ը` 21 թեկնածու` Արամ Խաչատրյանի գլխավորությամբ: