250 հազար դոլար են գնահատում բջջայինը, որի էկրանին հայտնվեց Էրդողանը

Հուլիսի 15-ին՝ Թուրքիայում հեղաշրջման փորձի օրը CNNTurk-ը հեռարձակել էր Թուրքիայի նախագահ Ռեջեփ Թայիփ Էրդողանի` FaceTime-ով արված տեսանյութ-ուղերձը, որում նա երկրի քաղաքացիներին կոչ էր անում խուճապի չմատնվել, մնալ իրենց տեղերում եւ աշխատել այնպես, ինչպես նախկինում:

Բջջայինը, որի էկրանից Էրդողանն իր ուղերձ հղեց, գնահատվել է 250 հզ ԱՄՆ Դոլար:

Այդ մասին տեղեկացրել է CNNTurk-ի հաղորդավար Հանդե Ֆըրաթը, ով այդ բջջայինի տերն է: Նշենք նաև, այն ժամանակ, երբ  Էրդողանն  ուղերձ էր հղում, բջջայինը հաղորդավարի ձեռքին էր:

Հաղորդավարը պատմել է , որ հեռախոսը գնելու վերաբերյալ բազմաթիվ նամակներ են ստանում: Նամակների մեծ մասը, նրա խոսքով, ստանում են Սաուդյան Արաբիայի գործարարներից: Նրանցից մեկն անգամ 250 հազար դոլար է առաջարկել այդ հեռախոսը ձեռք բերելու համար:

Հարցին, թե լավ առաջարկի դեպքում կվաճառի՞ արդյոք բջջայինը, հաղորդավարն ասել է.

«Ես այդ նամակներին անգամ չեմ պատասխանում: Ես պարզապես արել եմ այն, ինչ իմ գործը՝ լրագությունն է պահանջում»: