Հոսպիտալացված վիրավորներից Թաթուլ Թամրազյանը ոստիկան չէ

ՀՀ ոստիկանության պարեկապահակային ծառայության գնդի տարածքում հուլիսի 17-ին սկսված զինված միջադեպի հետեւանքով հոսպիտալացվել է 6 անձ։ 

Այսօր առավոտյան նրանցից մեկը դուրս է գրվել։  Այս մասին Yerkir.am-ին հայտնեց «Էրեբունի» ԲԿ-ի հասարակայնության հետ կապերի բաժնի պատասխանատու Շուշան Հունանյանը: Նրա խոսքով՝ այս պահին «Էրեբունի» ԲԿ-ում են գտնվում վիրավորներից երկուսը: Նրանցից մեկը գտնվում է վերակենդանացման բաժանմունքում, ում վիճակը կայուն ծանր է՝ դրական տեղաշարժով, մյուսին էլ տեղափոխել են պալատ:

Հունանյանը տեղեկացրեց նաև, որ առավոտյան դուրս է գրվել 1976 թվականին ծնված  Տիգրան Դանիելյանը, ում մոտ ախտորոշվել էր ձախ բազկոսկրի գլխիկի փակ հոդախախտում: «Էրեբունի» ԲԿ տեղափոխված  մյուս երկու վիրավորներն են 1983 թվականին ծնված Ռոբերտ Վաչագանի Հայրապետյանը՝ աջ նախաբազկի հրազենային վիրավորումով և 1990 թվականին ծնված Թաթուլ Սպարտակի Թամրազյանը՝ որովայնի ձախ կեսի հրազենային վիրավորումով:

Նշենք, որ և 1990 թվականին ծնված Թաթուլ Սպարտակի Թամրազյանը ոստիկանության աշխատակից չէ: Հավելենք նաև, որ զինված անձանցից մեկը երեկ Նիկոլ Փաշինյանին հարցնում էր, թե ինչպես է իրեն զգում Թաթուլ Թամրազյանը. նա, ամենայն հավանականությամբ, զինված խմբի անդամներից է: