Կառավարությունn ուսումնասիրում է Վերին Լարսը շրջանցող ճանապարհների տարբերակները. Արծվիկ Մինասյան

Այսօր լրագրողների հետ զրույցում էկոնոմիկայի նախարար Արծվիկ Մինասյանն անդրադարձավ  Վերին Լարսում առաջացած վիճակին և այլընտրանքային ճանապարհների հնարավորությանը: Նրա խոսքով` այս պահին կառավարությունը ուսումնասիրում է Վերին Լարսը շրջանցող ճանապարհների տարբերակները: Մասնավորապես` վարչապետը հանձնարարել է քննարկումներ իրականացնել` լրացուցիչ ուղղություններով հեշտացնելու ապրանքների արտահանումը ՀՀ-ից, այդ թվում՝ տեղափոխումը ԵՏՄ անդամ երկրներ:

Ինչ վերաբերում է լաստանավ ունենալու կարևորությանը, նախարարը կարծիք հայտնեց, որ պետք է  ճիշտ քայլեր կատարել՝ լաստանավ ունենալը իրականություն դարձնելու համար:

Հարցին, թե Լարսի փակվելը  որքա՞ն վնաս է հասցրել տնտեսությանը, Արծվիկ Մինասյանը պատասխանեց, որ ազդեցությունը բացասական է: «Պետք է փորձենք հնարավորինս մեղմել բացասական ազդեցությունը»,- ասաց  նա:

Նախարարը հավելեց, որ արտահանման դեպքում ապահովագրվում են արտահանողները՝ երրորդ կողմի չվճարման ռիսկից, իսկ եթե այնպիսի գործողություններ են լինում, որոնք երրորդ կողմի ռիսկի հետ չեն կապված, գումարը չի փոխհատուցվում: