Բեյրութի Ամերիկյան համալսարանում Հայոց ցեղասպանության մասին դասընթաց կանցկացվի

Բեյրութի Ամերիկյան համալսարանում (AUB), ՀՅԴ Լիբանանի Հայ Դատի մարմնի հետ համագործակցությամբ, Հայոց ցեղասպանության մասին դասընթաց կանցկացվի:

Ըստ Aztagdaily-ի՝ վերջերս հրապարակված զեկույցի համաձայն՝ Լիբանանում մեծագույն և Միջին Արևելքում երկրորդ դիրքում գտնվող նշյալ համալսարանի քաղաքական գիտության (Political Studies & Public Administration) բաժնում ներառված դասընթացի պատասխանատուն է  այդ բաժնի դասախոսներից դոկտ.  Ժան Կեօքճյանը:

«Հայ-թուրքական հակամարտությունը» խորագրով դասընթացը, բացի Հայոց ցեղասպանությունից, անդրադառնալու է նաև այլ ցեղասպանությունների:

Դասավանդումն սկսվելու է 2016-ի աշնանը, արդեն ամբողջացել է դասընթացին մասնակցող ուսանողների թիվը: