Կարելիայում զոհերի թիվը հասել է 14-ի. բոլորը երեխաներ են

Կարելիայի Սյամոզերո լճում նավակների շրջվելու հետեւանքով զոհերի թիվը հասել է 14-ի, որից 13-ը` երեխա: Հիշեցնենք, որ 51 ուղևորներից կազմված ճամբարականների խումբը, որոնց մեծամասնությունը 12-17 տարեկան երեխաներ են եղել, «Սյամոզերո» ճամբարում հանգստի շրջանակներում լճում զբոսանքի են դուրս եկել` 2 նավակով: Արդեն պարզ է դարձել, որ ջրային զբոսանքի մասին կազմակերպիչները ոչ ոքի չեն տեղեկացրել:  ՌԴ ԱԻՆ-ից տեղեկացրել են, որ եթե արշավի մասին նախապես հայտարարված լիներ, ապա թերեւս ավելի շատ մարդ հնարավոր լիներ փրկել:

Նշվում է, որ երեխաների մեծ մասը Մոսկվայից են: 

Հարուցվել է քրեական գործ, որի շրջանակներում 4 մարդ է բերման ենթարկվել, այդ թվում` մանկական ճամբարի տնօրենն ու փոխտնօրենը:

Հունիսի 20-ը Կարելիայի Հանրապետությունում հայտարարվել է սգո օր: