Պատահար՝ Հանրապետություն-Տպագրիչներ խաչմերուկում

Հունիսի 13-ին, ժամը 02.59-ին ահազանգ է ստացվել, որ Երևանի Հանրապետության և Տպագրիչների փողոցների խաչմերուկում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր են մեկնել ճգնաժամային կառավարման ազգային կենտրոնի օպերատիվ խումբը և երկու մարտական հաշվարկ:

Պարզվել է, որ բախվել են ՎԱԶ-2121 մակնիշի 084 OM 61 (վարորդ՝ 1998 թ. ծնված Ն. Ն.) և Lexus RX330 մակնիշի 39 DO 333 (վարորդ՝ 1970 թ. ծնված Ց. Մ.) պետհամարանիշներով ավտոմեքենաները, ինչի հետևանքով ՎԱԶ-2121 մակնիշի ավտոմեքենան դուրս է եկել ճանապարհի երթևեկելի հատվածից և հայտնվել մայթին:

Մինչ փրկարարների կանչի վայր հասնելը՝ ՎԱԶ-2121 մակնիշի ավտոմեքենայի ուղևոր՝ 1998 թ. ծնված Ն. Ա.-ը ինքնուրույն դուրս է եկել ավտոմեքենայից և հոսպիտալացվել «Էրեբունի» ԲԿ: Փրկարարներն արգելափակումից դուրս են բերել ուղևոր՝ 1998 թ. ծնված Գ. Ա.-ին, ով այնուհետև հոսպիտալացվել է «Էրեբունի» ԲԿ:

Բժիշկները տուժածների առողջական վիճակը գնահատել են միջին ծանրության:

Փրկարարներն անջատել են ՎԱԶ-2121 մակնիշի ավտոմեքենայի մարտկոցը: