Արծվիկ Մինասյանի խոսքերը խեղաթյուրել են. նախարարությունը պարզաբանում է

Մայիսի 30-ին Ազգային ժողովում էկոնոմիկայի նախարար Արծվիկ Մինասյանի հնչերցած պատասխանի մեկնաբանության վերաբերյալ պարզաբանում

Ազգային ժողովի տնտեսական և ֆինանսավարկային և բյուջետային հարցերի մշտական հանձնաժողովների համատեղ նիստում ՀՀ էկոնոմիկայի նախարար Արծվիկ Մինասյանին բաց երկնքի քաղաքականության և ավիացիայի վերաբերյալ հարց էր ուղղել պատգամավոր Խաչատուր Քոքոբելյանը, ինչին ի պատասխան մեջբերում ենք էկոնոմիկայի նախարար Արծվիկ Մինասյանի խոսքը.

- Ես կարող եմ ձեզ պաշտոնապես ներկայացնել Երևան, Թբիլիսի, Բաքու քաղաքների օդանավակայանների գները մեկ օդանավի հաշվով, որի արդյունքում դուք կտեսնեք, որ Հայաստանն ունի առավելություն գների առումով:

ԶԼՄ-ներում էկոնոմիկայի նախարարի խոսքերը խեղաթյուրված են ներկայացվել, ինչն էլ թյուր ըմբռնում է առաջացրել, թե նախարարը խոսել է ավիատոմսերի ցածր գների մասին: