Գորիս-Սիսիան ավտոճանապարհը բքի պատճառով փակվել է

ՀՀ տրանսպորտի և կապի նախարարությունը տեղեկացնում է, որ հունվարի 2-ին՝ ժամը 16:00-ի դրությամբ, տեսանելիության բացակայության և սաստիկ բքի պատճառով փակ են Գորիս-Սիսիան, Բերդ-Ճամբարակ ավտոճանապարհները և Վարդենյաց լեռնանցքը:

Ճանապարհաշինարարների կողմից կատարված մեծածավալ աշխատանքների արդյունքում Գավառ-Մարտունի ավտոճանապարհը բացվել է, սակայն այն դեռևս դժվարանցանելի է: Դժվարանցանելի են նաև Ալագյազ-Արթիկ ճանապարհահատվածը և Սարավանի լեռնանցքը:  

Անվտանգ երթևեկությունն ապահովելու նպատակով ճանապարհաշինարարներն ավտոճանապարհներին շուրջօրյա կատարում են մաքրման և աղով, ավազով մշակման աշխատանքներ: 

Վթարներից, պատահարներից և խցանումներից խուսափելու նպատակով ՀՀ տրանսպորտի և կապի նախարարությունը վարորդներին խորհուրդ է տալիս նշված դժվարանցանելի ճանապարհահատվածներով երթևեկել խիստ անհրաժեշտության դեպքում` բացառապես ձմեռային անվադողերով: