Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Կա ցանկություն, որ քննարկումների արդյունքում մի փաստաթուղթ կազմվի, որին բոլոր քաղաքական ուժերը միանան. այսօր խորհրդարանում ասաց ՀՀԿ խմբակցություն ղեկավար Վահրամ Բաղդասարյանը` արձագանքելով հարցին, թե տեղյա՞կ է, արդյոք, ինչ հայտարարություն մասին էր երեկ խոսում ՀՅԴ խմբակցություն ղեկավար Արմեն Ռուստամյանը:
Հիշեցնենք, որ երեկ Ռուստամյանն ասել էր, որ 4+4+4 ձևաչափով հայտարարություն է լինելու, և կա կոնսենսուսի լայն հնարավորություն:
«Այդ փաստաթուղթը կծնվի քննարկումների արդյունքում, և մենք հորդորում ենք, որ եթե ցանկություն, քաղաքական կամք ունենան, ինձ թվում է այդ կոնսենսուսը կարելի է ավելի ընդարձակել և ընդլայնել: Քննարկումը գնում է, այդ քննարկումները պատահական չեն, վաղը նույնպես կլինի հանձնաժողովի նիստ: Արդեն առաջարկությունները ներկայացվել են, մի փոքր վաղ է դրա մասին խոսել, որովհետև առաջարկությունները դեռ նոր ենք ներկայացնում, կներկայացնենք, կավարտենք, և մեր քաղաքական ուժերն իրենց հայտարարությունները կանեն, իրենց կարծիքները կհայտնեն: Եթե լինի նման հնարավոր կոնսենսուս, կլինի հայտարարություն»,- ասաց Բաղդասարյանը: