«Հրազդան ցեմենտ»-ին տույժերից ազատելու մասին օրենքի նախագիծը երկրորդ ընթերցմամբ ընդունվեց

Այսօր ԱԺ արտահերթ նիստի ընթացքում քվեարկության դրվեցին մի շարք նախագծեր:

Ընդունվեցին կառավարության կողմից ներկայացված` «Բաժնետիրական ընկերությունների մասին» ՀՀ օրենքում փոփոխություններ կատարելու օրենքի նախագիծն առաջին ընթերցմամբ ընդունելու մասին հարցը, «Հարկերի մասին ՀՀ օրենքում փոփոխություններ և լրացումներ կատերելու մասին» և կից ներկայացված փոփոխությունների փաթեթն առաջին ընթերցմամբ ընդունելու հարցը, «Խաղաղ նպատակներով ատոմային էներգիայի անվտանգ օգտագործման մասին ՀՀ օրենքում լրացումներ և փոփոխություններ կատաևելու մասին» հարցը, «Կուտակային կենսաթոշակների մասին ՀՀ օրենքում փոփոխություններ կատարելու մասին» օրենքի նախագիծը երկրոդ ընթերցմամբ և ամբողջությամբ ընդունելու մասին» հարցը, «Հրազդան Ցեմենտ ՓԲԸ-ին հարկային և պարտադիր սոցիալական ապահովագրության վճարների գծով առաջացած տույժերից ազատելու մասին» օրենքի նախագիծը երկրորդ ընդունելու հարցը և մի շարք այլ օրինագծեր:

Նշենք, նաև, որ «Հրազդան ցեմենտ» ՓԲԸ-ին հարկային և պարտադիր սոցիալական ապահովագրության վճարների գծով առաջացած տույժերից ազատելու մասին» օրենքի նախագիծը երրորդ ընթերցման կներկայացվի երկուշաբթի մեկնարկելիք հերթական քառօրյայում: