Երևան չվերթն իրականացնող ինքնաթիռի կործանման մեղավորը նախագծող ռուսաստանյան ընկերությունն է. Իրանի դատախազություն

2009 թվականին Թեհրան-Երևան չվերթն իրականացնող Տու-154 Մ ինքնաթիռի կործանման մեղավորները նախագծող ռուսաստանյան ընկերությունը և չվերթը սպասարկող անձնակազմն են. ըստ РИА Новости-ի` այդ մասին այսօր հայտարարել է Թեհրանի դատախազության ներկայացուցիչ Ղազի Շահրիարին` ներկայացնելով ինքնաթիռի կործանման վերաբերյալ Իրանում անցկացված հետաքննության տվյալները: 

Իրանական Caspian Airlines ավիաընկերության` Թեհրան-Երևան չվերթն իրականացնող  Տու-154 Մ ինքնաթիռը վթարի էր ենթարկվել 2009-ի հուլիսի 16-ին իրանական Ղազվին քաղաքից մոտակայքում` Թեհրանից 200 կմ հեռու: Բոլոր ուղևորները և անձնակազմի անդամները` 168 մարդ, զոհվել էին:

Շահրիարին նշել է նաև, որ մեկ այլ հանձնաժողով է ստեղծվել, որը կզբաղվի իրանական ավիաընկերության նախկին ղեկավարության գործունեությամբ, որը ձեռք էր բերել ու շահագործել ինքնաթիռը: