Կուսակցությունից վտարված Դավութօղլուն կսկսի ստեղծագործել

Հայտնի է դարձել, թե Թուրքիայում պալատական հեղաշրջման արդյունքում կուսակցության ղեկավարի ու վարչապետի պաշտոնից հեռացված Ահմեդ Դավութօղլուն այսուհետ ինչով կզբաղվի: Ըստ Yeniyon-ի` նա բնակություն կհաստատի Կ. Պոլսում և միայն անհրաժեշտության դեպքում կմեկնի Անկարա: Չի բացառվում, որ տուն կգնի Կ. Պոլսում:

Դավութօղլուն կսկսի ստեղծագործել, նա  ձեռնամուխ է լինելու նոր գիրք գրելուն: Ինչպեսև Թուրքիայի նախկին նախագահ Աբդուլլահ Գյուլը, հեռվից կհետևի քաղաքականությանը, սակայն կշարունակի, որպես շարքային պատգամավոր, մասնակցել մեջլիսի աշխատանքներին։

Նշենք, որ Աբդուլլահ Գյուլը պաշտոնից հեռանալուց հետո նույնպես գիրք էր հրատարակել:

Դավութօղլուն մայիսի 5-ին հայտարարել էր իր հրաժարականի մասին։ Նա կպաշտոնավարի մինչև մայիսի 22-ը։