Ընտրախախտումներ ու վեճեր` Թալինի ընտրատեղամասերից մեկում

Արդեն հայտնել ենք, որ ժամը 20:00-ի դրությամբ փակվել են Թալին քաղաքի երեք ընտրատեղամասերը: 15/3 ընտրատեղամասում, որտեղ այս պահին գտնվում է Yerkir.am-ի թղթակիցը, արձանագրվել է ընտրախախտման երկու դեպք` մի քաղաքացին քվեարկել է մեկ այլ քաղաքացու փոխարեն: Ի դեպ, ՕԵԿ-ական պատգամավոր Հովհաննես Մարգարյանը ևս այցելել է այս ընտրատեղամաս և պահանջել համապատասխան ընթացք տալ այս ընտրախախտումների վերաբերյալ գործընթացին և հայտարարել, որ դրա համար դիմելու է համապատասխան իրավապահ կառույցներին: Ընտրատեղամասի հանձնաժողովի նախագահ Ալվիտա Մելքոնյանի խոսքով` վերոնշյալ դեպքը տեղի է ունեցել մեկ ընտանիքի անդամների միջև. նույն անուն-ազգանուն-հայրանուն ունեցող մարդիկ քվեարկել են մեկը մյուսի փոխարեն, և դեպքի առնչությամբ կազմվել է արձանագրություն: Մեր թղթակիցը տեղեկացնում է նաև, որ ընտրատեղամասում այս նույն ընտրախախտման արձանագրման հետ կապված վեճ է տեղի ունեցել հանձնաժողովի անդամներից մեկի և ավագանու թեկնածու Հակոբ Եսայանի վստահված անձ Զավեն Մարտիրոսյանի միջև: