Ադրբեջանը շարունակում է կրկնօրինակել Հայաստանի քայլերը

Ադրբեջանի իշխանությունները շարունակում են կրկնօրինակել ՀՀ իշխանությունների քայլերը:

ԼՂՀ սահմանին ռազմական գործողությունների սկսվելու հաջորդ օրը՝ ապրիլի 3-ին, ՀՀ նախագահ Սերժ Սարգսյանը Անվտանգության խորհրդի նիստ հրավիրեց, որից հետո Իլհամ Ալիևը շտապեց նույնն անել:

Օրեր անց նախագահ Սարգսյանը ռազմական հոսպիտալում այցելեց մարտերի ընթացքում վիրավորված հայ զինծառայողներին, հաջորդը օրը ադրբեջական ԶԼՄ-ներում լուսանկարներ հայտնվեցին. Ալիևը այցելել էր ադրբեջանցի զինվորներին:

Երկու օր առաջ հակառակորդի երկու ուղղաթիռ խոցած զինվորներ Նարեկ Մալխասյանին, Գևորգ Մանուկյանին և հինգ տանկ խոցած զինծառայող Մարատ Պետրոսյանին  հանձնեցին ամենագնաց ավտոմեքենաներ: Ալիևը որոշել է այդ հարցում էլ հետ չմնալ. նա հրահանգել է  բնակարան նվիրել սահմանին զոհված 3 օդաչուների ընտանիքներին: