Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ադրբեջանի համար կռիվը ձեռնտու չէ, նրան հարևանները ստիպեցին կռվել, և սա ոչ թե Ղարաբաղի, այլ ՌԴ-ի դեմ է ուղղված. լրագրողների հետ հանդիպման ժամանակ կարծիք հայտնեց Արցախի հերոս Արկադի Տեր-Թադևոսյանը /Կոմանդոս/:
Նրա հավաստմամբ` այժմ Ռուսաստանի դեմ համատարած խաղ է գնում` Ուկրաինայում, Աֆղանստանում, իսկ Ռուսաստանը, ըստ Տեր-Թադևոսյանի, պարզ չէ` ում կողմից է, թեև լավ էլ հասկանում է` ինչ է կատարվում:
«Հայ-ադրբեջանական հարցը շատ հեշտ կարող էր լուծվել, բայց հիմա դժվար է ասել` խաղի կանոններն ինչ հունով են ուզում տանել: Լայնածավալ գործողությունները ձեռնտու չեն Ադրբեջանին, նա հիմա ուզում է լարված պահել թե՛ մեզ, թե՛ իր ժողովրդին: Պատերազմի դեպքում մենք կկորցնենք մեզ համար ամենաթանկը` մարդկային կյանքեր, իսկ Ադրբեջանն ուղղակի կոչնչանա»,- ասաց Տեր-Թադևոսյանը:
Ըստ նրա` խոսք լինել անգամ չի կարող թեկուզ 1 սմ տարածք վերադարձնելու կամ փոխանակելու մասին: Տեր-Թադևոսյանի համոզմամբ` եթե ինչ-որ տարածք տանք հակառակորդին, նրանք կամաց-կամաց առաջ կգան և ուղղակի պանթուրքիզմի գաղափարը կյանքի կկոչեն: