Ներքին Բազմաբերդի իր արհեստանոցում 56-ամյա տղամարդ է կախվել. մանրամասներ

Այսօր Արագածոտնի մարզի Ներքին Բազմաբերդ գյուղի իր արհեստանոցում՝ կախված վիճակում հայտնաբերվել է գյուղի բնակիչներից 56-ամյա Դավիթ Դ.-ի դին: Yerkir.am-ի հետ զրույցում Ներքին Բազմաբերդի գյուղապետ Խաչատուր Նորեյանը հայտնեց, որ տղամարդուն հայտնաբերել է հարևանը:

Նրա խոսքով՝ Դավիթը զոդող էր` նորմալ, աշխատող, ընտանքին նվիրված մարդ, ուներ երեք զավակ, թոռներ: Թե ինչն է դրդել նրան այդ քայլին, ոչ ոք դեռ չգիտի: Ըստ գյուղապետի՝ իր համագյուղացին առողջության հետ կապված խնդիրներ չուներ, իսկ ինչ վերաբերվում է ֆինանսական հարցերին, ապա մյուսների պես ինքն էլ սովորական պարտքեր ուներ:

Մահվան հանգամանքները պարզելու համար փորձաքննություն է նշանակվել: