Տոկոսադրույքի սուբսիդավորմամբ գյուղացիական վարկերի տրամադրման ժամկետը կերկարաձգվի

Կառավարության վաղվա նիստի օրակարգում ներառված է որոշում՝ երկարաձգել տոկոսա­դրույքի սուբսիդա­վորմամբ վարկերի տրա­մադրման ժամկետը:

«Գյուղատնտեսության ոլորտին տրամադրվող վարկերի տոկոսա­դրույքների սուբսի­դավորում» ծրագրի շրջանակներում 2011-2015 թվականներին գյուղատնտե­սությունում տնտեսավարողներին տրամադրվել է 84.2 մլրդ դրամի ընդհանուր գումարով մատչելի (14 տոկոսով) վարկեր: Շահառուների (վարկերի) թիվը կազմել է շուրջ 98.9 հազար միավոր: 2011-2014 թվա­կաններին սուբսի­դավորվել է որոնց նշված վարկերի 4, իսկ առավել անբա­­րենպաստ 225 համայնք­ների համար՝ 6 տոկոսային կետը։ Սկսած 2015 թվականից հանրա­պետության բոլոր համայնքների համար սուբսիդավորվել է տրամադրված վարկերի 6 տոկոսայհին կետը:  Ընդհանուր առմամբ 2015 թվա­կանին 1-ին և 2-րդ փուլերով տրամադրվել է շուրջ 15.2 մլրդ դրամի վարկային միջոցներ, իսկ տրամադրված վարկերի քանակը կազմել է շուրջ 21.5 հազար միավոր:

Նշված վարկերն իրենց դրական ազդեցությունն են ունեցել գարնանացանի պատշաճ կազմա­կերպման, ագրոտեխնիկական և այլ միջոցառումների, ինչպես նաև բերքա­հավաքի աշխա­տանքների ժամանակին և կազմակերպված իրա­կանացման գործում: Գյուղատնտե­սությունում վերջին տարիներին գրանց­ված տնտեսական աճը պայմանավորված է նաև ոլորտին տրա­մադրված մատ­չելի վարկերով: Գարնան գյուղա­տնտեսական աշխատանքների նախա­պատ­րաստ­ման և պատշաճ իրակա­նացման, մշակության,  բերքահավաքի աշխա­տանք­նե­րի կազ­մա­­կերպ­ման, աշնանա­ցանի նախա­պատ­րաստ­ման և իրակա­նացման գործըն­թացները ընթացիկ տարում պահանջում են մատչելի վարկային ռեսուրսներ, որոնց ապա­հովմանն է ուղղված ներկայացված որոշ­ման նախա­գիծը, համաձայն որի տոկոսա­դրույքի սուբսիդա­վորմամբ վարկերի տրա­մադրման ժամկետը 2016 թվականի համար սահմանվում է մարտի 1-ից մինչև 2016 թվականի դեկտեմբերի 31-ը: 

ՀՀ կառավարության 2015 թվականի փետրվարի 19-ի «Հայաստանի Հանրա­պետության կառավարության 2012 թվականի մարտի 7-ի N 317-Ն որոշման մեջ փոփոխություն կատարելու մասին» N 146-Ն որոշմամբ տոկո­սադրույքի սուբսի­դավորմամբ վարկերի տրամադրման ժամկետ է սահմանվել մինչև 2015 թվա­կանի դեկտեմբերի 31-ը: Տոկոսադրույքի սուբսիդավորմամբ վարկերի տրա­մադրման շարունակականության ապահովումը 2016 թվականին պահանջում է վարկա­վորման ժամկետի երկարաձգում:

Գյուղատնտեսությունում տենտեսավարողների շրջանառու միջոցների համա­լրում, գարնան գյուղատնտեսական, մշակության, բերքահավաքի աշխատանք­ների ագրո­տեխնիկական պահանջներին համապատասխան իրականացում, աշնանացանի նա­խա­­պատ­րաստման և իրականացման ապահովում, գյուղա­տնտեսությունում տնտե_­սավա­րողների կարո­ղությունների հզորացում, համա­խառն արտադրանքի ծավալի ավելացում, արտադրու­թյան արդյունավետության և ոլորտի մրցունակության բարձ­րացում: