Թուրք նախարարը հույս ունի, թե թուրք-ռուսական հարաբերությունները կկարգավորվեն

Թուրքիայում տրանսպորտի, ծովային հարցերի և հեռահաղորդակցության նախարար Բինալի Յլըդըրըմը հավատում է, որ ռուս-թուրքական հարաբերությունները կկարգավորվեն:

AA-ի հետ զրույցում նա ասել է, որ ՌԴ-ի հետ ճգնաժամի երկարաձգումը ճիշտ քայլ չէ: «Սա Թուրքիայի համար էլ սիրուն չէ, սակայն ավելի շատ ՌԴ-ի համար է բացասական: Հավատում եմ, որ կարճ ապագայում ռուս-թուրքական հարաբերությունները կկարգավորվեն»,- ասել է նախարարը:

Յըլդըրըմըն ընդունել է նաև, որ ռուս-թուրքական ճգնաժամի պատճառով մի շարք դժվարություններ են առաջացել, հատկապես՝ զբոսաշրջության ոլորտում, սակայն, միաժամանակ, հայտարարել է. «Ոչ միայն ՌԴ-ն, այլ ամբողջ աշխարհը պետք է լավ իմանա և հաշվի առնի Թուրքիայի տարածքային ամբողջականությունը, սահմանները պաշտպանելու իրավունքը: Ոչ ոք չի կարող այս հարցում մեզանից զոհաբերություն ակնկալել: Ինչպես մենք ուրիշների հողերի, սահմանների վրա աչք չունենք, այնպես էլ ակնկալում ենք, որ մեր հարևանները մեր ինքնիշխանության իրավունքի նկատմամբ հարգանք կցուցաբերեն»: