Հրապարակվել են Թուրքիայի ԶՈՒ թվաքանակի մասին վերջին տվյալները

Թուրքիայի ԶՈՒ գլխավոր շտաբը տեղեկություններ է հրապարակել այս պահի դրությամբ տարբեր ստորաբաժանումների հրամանատարության ու անձնակազմի թվաքանակի մասին. տեղեկացնում է Ermenihaber-ը:

Ըստ թուրքական Vatan թերթի կայքի` գլխավոր շտաբի կայքում հրապարակված տվյալներով` Թուրքիայի զինված ուժերի անձնակազմի ընդհանուր թիվը 633.056 մարդ է, որոնցից 358-ը` գեներալ և ծովակալ: Սպայական անձնակազմի թիվը հասնում է 39.707-ի, ենթասպայական  կազմը 97.975 մարդուց է բաղկացած: Զինված  ուժերում ծառայում են նաև 21.917 մասնագիտացված ժանդարմերիայի անձնակազմ և 242.635 հոգի մասնագիտացված անձնակազմ:

Պահեստային սպաների թիվը կազմում է 7.312: Մնացած 333.715-ը պարտադիր ծառայություն անցնող շարքային և սերժանտական անձնակազմն է:

Զինված ուժերի 633.056 հոգանոց անձնակազմից 580.662-ը զինվորական են, իսկ 52.394-ը քաղաքացիական ծառայողներ, բանվորներ և այլն: