Արմավիրի մարզում 21-ամյա աղջիկ է մահացել. օրեր անց նա պետք է նշանվեր

Հայաստանի քննչական կոմիտեի Արմավիրի մարզային քննչական վարչությունում նյութեր են նախապատրաստվում հունվարի 6-ին տեղի ունեցած ողբերգական դեպքի փաստով: Այս մասին գրում է shamshyan.com-ը:

Ժամը 21:00-ի սահմաններում «Արմավիր» բժշկական կենտրոնից ոստիկանության Արմավիրի բաժին ահազանգ է ստացվել, որ մահացած վիճակում Նոր Արմավիր գյուղից իրենց մոտ է տեղափոխվել նույն գյուղի բնակիչ, 21-ամյա Եսենյա Թովմասյանը: Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Արմավիրի բաժնի օպերատիվ խումբը՝ բաժնի պետ Արթուր Հովհաննիսյանի գլխավորությամբ:

Ըստ նախնական տեղեկությունների՝ այդ օրը Ե. Թովմասյանը լոգարանում շմոլ գազի հետևանքով կորցրել է գիտակցությունը և հիվանդանոցի ճանապարհին, ցավոք, մահացել է: Ֆոտոլրագրողի տեղեկություններով՝ մահվանից 2 օր անց պետք է տեղի ունենար նրա նշանադրությունը: Մանրամանսերն` այստեղ