Արցախում հակառակորդի հետ մարտի ժամանակ զոհված Աղասին «Հայբուսակ»-ի ուսանող էր (լուսանկարներ)

Դեկտեմբերի 17-ի գիշերը հակառակորդի կողմից ձեռնարկված դիվերսիոն-հետախուզական ներթափանցման հետեւանքով զոհված ժամկետային զինծառայող` 19-ամյա Աղասի Գրիգորյանը Արարատի մարզի Արբաթ գյուղից էր, իսկ նրա զոհված զինակիցը` Ռուբեն Ալեքսանյանը, Լոռու մարզի Տաշիր քաղաքից:

Yerkir.am-ի տեղեկություններով՝ Աղասին ընտանիքի կրտսեր որդին էր, սովորում էր «Հայբուսակ» համալսարանում: Նա պետք է զորացրվեր գարնանը:

Ավելի վաղ հայտնել ենք, որ հոկտեմբերի 17-ի գիշերը հակառակորդի կողմից ձեռնարկված անհաջող դիվերսիոն-հետախուզական ներթափանցման փորձերից հետո, որի արդյունքում, ծանր կորուստներ կրելով, նա հետ էր շպրտվել, ադրբեջանական բանակի հատուկ նշանակության խմբերը հակամարտ զորքերի շփման գծի հարավային, արևելյան, հյուսիսարևելյան և հյուսիսային ուղղություններով դեկտեմբերի 18-ի գիշերը դիմել են հերթական դիվերսիոն գործողությունների: Վերոնշյալ բոլոր ուղղություններում հայ դիրքապահները ժամանակին հավաստանշել են հակառակորդի հատուկ ջոկատայինների առաջխաղացումը և անցել պաշտպանական մարտերի:

Ադրբեջանական գրոհայինները, կորուստներ տալով, հետ են շպրտվել իրենց ելման դիրքերը: Ցավոք, ծավալված մերձամարտերի ընթացքում արիաբար մարտիրոսվել են ՊԲ զինծառայողներ Աղասի Արսենի Գրիգորյանը (ծնվ. 1996թ.) և Ռուբեն Ռոբերտի Ալեքսանյանը (ծնվ. 1996թ.):

Լուսանկարները՝ Աղասի Գրիգորյանի սոցցանցի էջից