Սիրիական բանակն ազատագրել է Քեսաբ-Լաթաքիա մայրուղին

Սիրիական բանակը, նախապես ազատագրելով Քեսաբի մերձակայքում գտնվող Զահե լեռնագագաթը, վերջերս նաև ազատագրել է Քեսաբ-Լաթաքիա մայրուղու բոլոր բլուրներն ու անտառները, որոնք մինչ այդ ահաբեկչական խմբավորումների կողմից օգտագործվում էին դիպուկահարների տեղակայման կամ շրջանի բնակչության հրթիռակոծման նպատակով. տեղեկացնում է «Գանձասար»-ը:

Մայրուղու ազատագրումից հետո բացվել է Քեսաբ-Լաթաքիա` «Քասդալ Մուաֆ»-ից մինչև Քեսաբի սահմանային անցակետ հատվածը:  

Երեք տարի փակ մնալուց հետո երեկ մի շարք մեքենաներ առաջին անգամ անցել են Լաթաքիայից Քեսաբ տանող մայրուղով: Քաղաքացիական մեքենաների երթևեկությունը դեռևս արգելված է:

Մինչև մայրուհու՝ ապահով տարածք լինելու մասին պաշտոնապես հայտարարելը՝ Սիրիական բանակը այժմ վերականգնում է մայրուղին՝ այն ականազերծելով և ասֆալտապատելով: