«Գազպրոմ»-ն ու Իրանը քննարկում են Հայաստանին գազ մատակարարելու հարցը

Ռուսական «Գազպրոմ»-ն ու Իրանն աշխատում են Հայաստան գազ մատակարարելիս փոխանակման գործընթացների հարցի շուրջ. հայտնում է ТАСС-ը։ Այդ մասին հայտնել է «Գազպրոմ»-ի ղեկավար Ալեքսեյ Միլլերը Վրաստանի փոխվարչապետ, էներգետիկայի և բնական պաշարների նախարար Կախա Կալաձեի հետ հանդիպումից հետո, որը կայացել է Լյուքսեմբուրգում:

«Այո, թեմային անդրադարձել ենք, ներկա պահին մեր իրանցի գործընկերների հետ քննարկում ենք փոխանակման գործընթացների հարցը»,- ասել է նա՝ պատասխանելով հարցին, թե խոսե՞լ են, արդյոք, Իրանից Հայաստան գազամատակարարման մասին Վրաստանի տարածքը որպես տարանցիկ ճանապարհ օգտագործելու բանակցությունների շրջանակներում: