Սան Բեռնարդինոյի հրաձգությունը ահաբեկչություն էր. ՀԴԲ-ն հաստատում է

ԱՄՆ Հետաքննությունների դաշնային բյուրոն կալիֆորնիական Սան Բեռնարդինո քաղաքում տեղի ունեցած հրաձգությունը որակել է որպես ահաբեկչություն:  Այդ մասին  ամերիկյան հեռուստաընկերությունների եթերով ասել է ՀԴԲ ղեկավարը: Նա նաեւ տեղեկացրել է, որ այդ գործով առայժմ ձերբակալվածներ չկան:

  Հիշեցնենք, որ դեկտեմբերի 2-ին սահմանափակ հնարավորություններով անձանց կենտրոնի մոտ տեղի ունեցած սպանդի հետեւանքով 14 մարդ էր զոհվել, 17-ը` վիրավորվել: 
Իրավապահների տվյալներով` հրաձգությունը կազմակերպել են Ռիզուան Ֆարուքն ու Թաշֆեն Մալիքը: Վարկածներից  մեկի համաձայն` ահաբեկիչները ավելի վաղ հավատարմության երդում են տվել «Իսլամական պետությանը»: