Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Օրեր առաջ Թուրքիայի նոր՝ 64-րդ կառավարության նիստում երկրի վարչապետ Ահմեդ Դավութօղլուն հանդես է եկել ծավալուն ելույթով՝ ներկայացնելով կառավարության գործունեության ծրագիրը:
Ի թիվս այլ հարցերի՝ այդ ծրագրում տեղ է հատկացվել նաև Հայաստանի հետ հարաբերություններին ու Արցախյան հիմնախնդրին: Համաձայն ծրագրի՝ Թուրքիան շարունակելու է աջակցել Ադրբեջանին՝ Արցախյան հարցին հօգուտ Ադրբեջանի լուծում տալու համար:
«Մեր երկիրը շարունակելու է ջանքեր գործադրել՝ վերջ տալու համար Ադրբեջանի տարածքների, այդ թվում` Լեռնային Ղարաբաղի օկուպացմանը և Հայաստանի հետ լարվածությանը»,- հին երգը նորից երգել է Դավութօղլուն:
Ծրագրում անդրադարձ կա նաև Հայաստան-Թուրքիա հարաբերություններին:
«Գալիք ժամանակաշրջանում շարունակելու ենք քայլեր ձեռնարկել Հայաստանի հետ հարաբերությունների բարելավման ուղղությամբ: Ակնկալում ենք, որ Հայաստանը կառաջնորդվի փոխադարձ շահերի և համագործակցության ճանապարհ հարթող, արդար հիշողության փնտրտուքներով պատմության ընկալմամբ և ըմբռնումով կարձագանքի մեր ազդեցության ոլորտների ընդլայնմանը»,-ասել է նա: