Ձորաղբյուրում 3 ուղևորներից մեկը դանակով վնասել է տաքսու վարորդի պարանոցը

Երեկ՝ նոյեմբերի 20-ին, արտակարգ դեպք է տեղի ունեցել Կոտայքի մարզում: Ժամը 23:10-ի սահմաններում Երևանի «Սուրբ Գրիգոր Լուսավորիչ» բժշկական կենտրոնից ոստիկանության Կոտայքի բաժին ահազանգ է ստացվել, որ «պարանոցի շրջանի կտրած վերք» ախտորոշմամբ իրենց մոտ է տեղափոխվել մի տղամարդ. հայտնում է Shamshyan.com-ը:

«Ոստիկաններն ու քննիչները պարզել են, որ վիրավորը Երևան քաղաքի Նոր Արեշ 29 փողոցի բնակիչ, 60-ամյա Սուրեն Հակոբյանն է, ով իր վիճակի չի եղել կատարվածի մասին տեղեկություններ տալ: Ոստիկաններն ու քննիչները, ձեռնարկելով անհրաժեշտ օպերատիվ-հետախուզական և քննչական համատեղ գործողություններ, պարզել են, որ Ս. Հակոբյանը իրեն պատկանող Mercedes մակնիշի 34 ZA 937 համարանիշի ավտոմեքենան օգտագործում է որպես տաքսի և երեկ, ժամը 22:20-ի սահմաններում Երևանի Արցախի պողոտայից 3 երիտասարդներ խնդրում են իրեն, որպեսզի 3000 դրամի դիմաց իրենց տեղափոխի Ձորաղբյուր գյուղի ամառանոցային հատված:

Հասնելով Ձորաղբյուր՝ երիտասարդները Ս. Հակոբյանին հայտնել են, որ չեն կարողանում կողմնորոշվել իրենց ուզած հասցեում և խնդրել են, որպեսզի ճանապարհը շարունակեն ոտքով, սակայն մեքենայի մեջ երիտասարդներից մեկը հարցրել է վարորդին, թե արդյոք 20 հազար դրամի մանր նա ունի, թե ոչ, և այդ պահին երիտասարդներից մեկը, որը նստած է եղել ավտոմեքենայի հետևի նստատեղին, իր մոտ եղած սուր կտրող գործիքով հարվածել է վարորդի պարանոցին և ընկերներով դիմել են փախուստի: Ֆոտոլրագրողի տեղեկություններով՝ հանցագործությունը կատարած 3 ճիվաղները վարորդից գումար չեն պահանջել, ավտոմեքենայից և նրա մոտից ոչինչ չեն հափշտակել»,- տեղեկացնում է կայքը: 

Մանրամասները` սկզբնաղբյուրում: