Լավրովը Հայաստանում կքննարկի՞ Մերձավոր Արևելքի սուր խնդիրները

Այսօր լրագրողների հետ զրույցում Իրավապաշտպան Լարիսա Ալավերդյանը ողջունում է ՌԴ արտգործնախարար Սերգեյ Լավրովի` Հայաստան կատարելիք այցը: Այսօր նա լրագրողներին ասաց, որ դրական է համարում առհասարակ հայ-ռուսական բարձր մակարդակի հանդիպումները, քննարկումները, համաժողովները:

«Ես համոզված եմ, որ Լավրովի հետ հանդիպման ժամանակ քննարկվելու են ամենաարդիական հարցերը, բայց դա Արցախի հարցը չի լինելու, այլ տարաշրջանային հարցեր` Մերձավոր Արևելքի խնդիրների հետ կապված»,- ասաց Լարիսա Ալավերդյանը:

Նրա խոսքով`  ոչ ոք դրական բան չի ասում Ռուսաստանի մասին, և կարծես մոդայիկ է դարձել Ռուսաստանի մասին միայն վատ բաներ ասելը:

«Ռուսաստանը հասկացել է, որ հայ ժողովուրդն ու Հայաստանի պետությունը իր գրպանի մեջ չեն, և արդեն նրանք են ցանկություն  հայտնում աշխատել երկրի ղեկավարության հետ»,- ասաց Լարիսա Ալավերդյանը: