Մատենադարանում հրատապ վերականգնման ենթակա 3000 ձեռագիր կա

Տեղեկացրել էինք, որ այսօր Մատենադարանում մեկնարկել է «Հիշողության կերպարանքները» 5-րդ միջազգային գիտաժողովը, որն այս տարի նվիրվում է Ցեղասպանության 100-րդ տարելիցին:

Լրագրողների հետ զրույցում Մատենադարանի տնօրեն Հրաչյա Թամրազյանը նշեց, որ այսօր Մատենադարանում 3000` հրատապ վերականգնման ենթակա ձեռագիր կա: Նաև կան ձեռագրեր, որոնք իրենց չափերի պատճառով թվայնացման էլ ենթակա չեն: «Սակայն մենք հատուկ սարքավորումներ ենք ձեռք բերել, վերականգնման ճապոնական նյութեր և մի ծրագիր ենք շահել` մեծագույն ձեռագրերի պահպանման: Մեր ֆոնդերն անընդհատ թարմացվում են, ուստի վերականգնման գործընթացը նույնպես մշտական բնույթ է կրում»,- ասաց Թամրազյանը:

Ըստ նրա՝ հատուկ ուշադրություն են դարձնում քայքայված ձեռագրերին, որոնք նախ ախտահարում են, հետո վերականգնում ճապոնական տեխնոլոգիաներով և վերադարձնում՝ ցուցադրության: