Ես հավատում եմ, որ Սերժ Սարգսյանը որևէ պաշտոն չի զբաղեցնելու. Արամ Կարապետյան

Սահմանադրական բարեփոխումների նախագծում տեղ գտած այն դրույթը, որը վերաբերում է բանակի կառավարման համակարգին, անընդունելի է. այսօր լրագրողներին ասաց «Նոր ժամանակներ» կուսակցության ղեկավար Արամ Կարապետյանը:

Ըստ նրա` պատերազմական իրավիճակում գործողությունների կենտրոնացման խնդիր է դրվում:

«Սահմանադրության համապատասխան հոդվածի այն կետը, որը վերաբերում է խաղաղ և պատերազմական իրավիճակներում կառավարումը ստանձնողներին, լուրջ խնդիր է առաջ բերում: Խաղաղ ժամանակ կառավարումը ստանձնում է ՊՆ-ն, իսկ պատերազմի ժամանակ`վարչապետը: Բանակը չի կարելի բաժանել խաղաղ և պատերազմական վիճակների»,- նշեց Կարապետյանը:

Նրա խոսքով` արտաքին դաշտում երկիրն ուժեղ է, եթե առաջնային մանդատ ունեցող մարդն է ներկայացնում: «Նոր կառավարումով`առաջնային մանդատ ունեցող անհատ չի լինելու: Ես հավատում եմ, որ Սերժ Սարգսյանը որևէ պաշտոն չի զբաղեցնելու»,- ընդգծեց Կարապետյանը: