Աղավնաձորում 4000 տոննա խաղող կա` մթերելու. գյուղացիներն անհույս են

Վայոց ձորի մարզի Աղավնաձոր համայնքի բնակիչները, այլ համայնքների գյուղացիների նման, խաղողի մթերման խնդիր ունեն: Բանն այն է, որ սովորաբար խաղողը մթերել են 220-230 դրամով, բայց այս տարի մթերող ընկերությունները մեկ կիլոգրամի դիմաց 180 դրամից ավելի չեն տալիս:

Աղավնաձորի գյուղապետ Աշոտ Գալստյանը yerkir.am-ի հետ զրույցում ասաց, որ մոտ 4000 տոննա խաղող ունեն` մթերելու: «Հիմա ժողով ենք անում, հերթագրում ենք: Մի քանի ընկերություններ կան` խոստացել են, որ կվերցնեն: Տեսնենք, պիտի որ բոլորն էլ գոհ մնան, կարողանան խաղողը հանձնել»,- ասաց նա:

Իսկ թե ի՞նչ գնով են մթերելու խաղողը, չկարողացանք ճշտել: «Հիմա ժողովի եմ, սպասեք»,- ասաց գյուղապետը: