Մովսես գյուղում սպանվել է Բերդի զինկոմը

Այս գիշեր հիվանդանոցից ոստիկանության Տավուշի բաժին ահազանգ է ստացվել, որ հրազենային վիրավորումով իրենց մոտ է տեղափոխվել մի քաղաքացի, ով, սակայն, մահացել է: Այս մասին yerkir.am-ին հայտնեցին ոստիկանությունից: Սպանությունը կատարելու կասկածանքով բերման է ենթարկվել նույն գյուղի բնակիչ Արթուր Մկրտչյանը: Պարզվել է, որ մահացածը 49-ամյա Դերենիկ Պապյանն է:

Yerkir.am-ի հետ զրույցում Մովսեսի գյուղապետ Արարատ Ավալյանը հայտնեց, որ մահացածը Բերդ քաղաքի զինկոմն է: Գյուղապետի խոսքով՝ վիճաբանությունը տեղի է ունեցել կենցաղային հարցերի շուրջ:

Դեպքի առթիվ ՀՀ Քննչական կոմիտեում հարուցվել է քրեական գործ` ՀՀ քր. օր.-ի 104 հոդվածի 1-ին մասի հատկանիշներով: