«Սա նաև հայերի երկիրն է». Մուշում ուղևորներին վարդ և լոխում են բաժանել (լուսանկարներ)

Ներկայիս Թուրքիայի տարածքում գտնվող հայկական Մուշ քաղաքում մի խումբ կամավորներ վարդ և լոխում են բաժանել տարբեր քաղաքներից ժամանող ավտոբուսների ուղևորներին՝ ի նշան խաղաղության և եղբայրության:

Ըստ Haberler-ի՝ կամավորները ավտոբուսում զրուցել են ուղևորների հետ՝ նշելով, որ այդ երկրում՝ Թուրքիայում, բոլորը եղբայրներ են:

«Այս երկիրը թուրքի, քուրդի, արաբի, չերքեզի, հայի, բոլորի երկիրն է: Քրդերի հիմնական իրավունքներից է հանգիստ շրջել թուրքական տարածքներում, ինչպես նաև թուրքերի իրավունքն է շրջել քրդական տարածքներում: Մեր վշտերը միմյանց հետ համեմատելը կամ վեր դասելը ճիշտ չէ, այլ, միմյանց հետ կիսելով, կարող ենք մեղմացնել»,- ասել է կամավորներից մեկը: