ՊՆ նախկին բարձրաստիճան պաշտոնյայի՝ վթարից տուժած որդուն տեղափոխեցին «Էրեբունի» ԲԿ

Yerkir.am-ի տեղեկություններով ՝ սեպտեմբերի 5-ին Գեղարքունիքի մարզում ողբերգական վթարից տուժած մայոր Սևակ Գասպարյանին սուր երիկամային անբավարարությամբ այսօր առավոտյան տեղափոխել են «Էրեբունի» բժշկական կոնտրոն: Նրա վիճակը ծանր է:

Ավելի վաղ հայտնել էինք, որ Սևակ Գասպարյանը ՀՀ ՊՆ թիկունքի վարչության նախկին պետ Տիգրան Գասպարյանի որդին է, ամուսնացած է, ունի մեկ երեխա:

Վթարից տուժածներից համեմատաբար բարվոք վիճակում է Հարություն Միրզոյանը, ով դեռևս գտնվում է Կենտրոնական կլինիկական հոսպիտալում:

Հիշեցնենք, որ վթարի պատճառով ստացած մարմնական վնասվածքներից ՀՀ ՊՆ N զորամասի զինծառայողներ` կապիտան Տարոն Միքայելի Սեդրակյանը մահացել է, մայոր Գրիգոր Սամվելի Սահակյանը և ենթասպա Գևորգ Ավետիքի Վարդանյանը մահացել են քիչ անց՝ ՀՀ ՊՆ Վարդենիսի կայազորային զինվորական հոսպիտալում:

Դեպքի առթիվ ՀՀ ՔԿ զինվորական քննչական գլխավոր վարչությունում հարուցվել է քրեական գործ` ՀՀ քրեական օրենսգրքի 242-րդ հոդվածի 3-րդ մասով: