Բյուրեղավանում եղբայրների են դանակահարել. քրեական գործ է հարուցվել

Այսօր՝ կեսգիշերից հետո Բյուրեղավանի բժշկական կենտրոնից ոստիկանության Կոտայքի և Բյուրեղավանի բաժիններ ահազանգ է ստացվել, որ սուր կտրող-ծակող առարկայից ստացած մարմնական վնասվածքներով իրենց մոտ են տեղափոխվել 2 երիտասարդներ: Պարզվել է, որ վիրավորները Բյուրեղավան քաղաքի բնակիչներ՝ եղբայրներ Ռոման և Արմեն Ստեփանյաններն են:

Ինչպես yerkir.am-ին հայտնեցին Քննչական կոմիտեից, փաստի առթիվ Կոտայքի քննչական բաժնում հարուցվել է քրեական գործ՝ ՀՀ քր.օր-ի 112 հոդվածի 1-ին մասի հատկանիշներով: Քննչական բաժինը պարզում է  դեպքի հանգամանքները: Ձեռնարկում են օպերատիվ-հետախուզական ու քննչական համատեղ գործողություններ՝ հանցագործությունը կատարած անձին կամ անձանց հայտնաբերելու ուղղությամբ: