Հնդկաստանում թութակը բերման է ենթարկվել՝ 85-ամյա տատիկին հայհոյելու մեղադրանքով

Հնդկաստանում արտառոց դեպք է գրանցվել, երբ 85-ամյա տատիկը ոստիկանությունում բողոքի հայց է ներկայացրել իրեն հայհոյած Հարիյալ անունով թութակի դեմ:

Ինչպես տեղեկացնում է AA-ն՝ թութակն ու իր տերը բերման են ենթարկվել: Հայտնի է դարձել, որ տարեց կինն իրականում թութակի տիրոջ խորթ մայրն է և թութակի տերն անձամբ է հայհոյանքներ սովորեցրել կենդանուն: Ոստիկանները պարզել են, որ խորթ մոր և որդու միջև սեփականության խնդիրներ կան:

Ոստիկաններից մեկը հայտնել է նաև, որ տարեց կինը մինչ այդ էլ նույն հարցով դիմել է իրենց: «Թութակին մի քանի օր մեզ մոտ ենք պահել, սակայն նա չի հայհոյել»,-նշել է ոստիկանը:

Տարեց կնոջ հոգեբանության վրա ազդելու պատճառով թութակին հանձնել են կենդանաբանական այգի: