«Իսլամական պետությունը» սպառնում է Անգելա Մերկելին

Ահաբեկչական «Իսլամական պետություն» խմբավորման գրոհայինները Գերմանաիյի կանցլեր Անգելա Մերկելին ուղղված սպառնալիքներով տեսագրություն են հրապարակել:

 Հինգրոպեանոց տեսանյութում ցուցադրվում է ջիհադիստների կողմից  Փալմիրայում 2 սիրիացիների   մահապատիժ,  գերմաներենով կոչ է արվում «քույրերին ու եղբայրներին» Գերմանիայում եւ Ավստրիայում միանալ ԻՊ-ին եւ հարձակումներ իրականացնել «անհավատների դեմ»:  

 Գրոհայիններից մեկը հայտարարում է, որ իրենք վրեժ կլուծեն Գերմանիայի կանցլեր Անգելա Մերկելից  ԻՊ-ի դեմ դաշինքում Բեռլինի ներգրավվածության եւ Աֆղանստանում թափված արյան  համար:       

Գերմանիայի հետախուզության տվյալներով սիրիական կոնֆլիկտի ողջ ընթացքում ջիհադիստներին միացել է Գերմանիայի 600 քաղաքացի: