Մոնակոյում չեմ եղել. Գագիկ Բեգլարյանը` Մոնակո գնալ-գալու մասին

ՀՀ Տրանսպորտի և կապի նախարար Գագիկ Բեգլարյանն այսօր կառավարության նիստից հետո լրագրողների հետ զրույցում նշեց, որ ինքը հրավիրված է գործարար Սամվել Կարապետյանի` այսօր կայանալիք ծննդյան արարողությանը: Նախարարը, սակայն, հայտարարեց, որ գործարար Կարապետյանի ծննդյան արարողությունը Մոնակոյում չի լինելու և այն, ինչ գրում են, իրականում չի համապատասխանում իրականությանը: «Մոնակո չեմ եղել ընդհանրապես ու որ գրում են, որ ես գնացի, եկա, նորից գնում եմ, հայտարարում եմ`այդ ամենը սուտ է», - նշեց նա:

Լրագրողների ճշտող հարցին` հրավիրված չե՞ք ծնունդին, պատասխանեց. «Ծնունդ անպայման գնալու եմ, բայց Մոնակոյում չի լինելու»: Այն հարցին, թե այդ դեպքում որտե՞ղ է լինելու, Բեգլարյանը չպատասխանեց: