Նշանակվել է Թուրքիայի պաշտպանության նոր նախարար

Թուրքիայում խորհրդարանական ընտրություններից հետո մեջլիսի նախագահ դարձած` արդեն պաշտպանության նախկին նախարար Իսմեթ Յըլմազին փոխարինել է Վեջդի Գյոնուլը:

Ըստ «Ակօս»-ի՝ Իսմեթ Յըլմազին այցելելուց հետո երկրի վարչապետ Ահմեդ Դավութօղլուն նոր նշանակման մասին հայտարարությամբ է հանդես եկել:

«Վեջդի Գյոնուլին պաշտպանության նախարարի պաշտոնում երեկ առաջարկել եմ նախագահին: Սպասում ենք նախագահի պատասխանին: Հուսով ենք՝ ամենակարճ ժամանակում մեզ կմիանա»,- ասել է Դավութօղլուն:

Վեջդի Գյոնուլը քաղաքականությամբ սկսել է զբաղվել 1999-ից՝ որպես «Առաքինություն» կուսակցության պատգամավոր: 2002 թվականին եղել է «Արդարություն և զարգացում» կուսակցության հիմադիրներից: Նա Աբդուլլահ Գյուլի նախագահության ժամանակ դարձյալ եղել է պաշտպանության նախարար: