Երգ ու պար՝ Բաղրամյան պողոտայում

Բաղրամյան պողտայում շարունակվում են 5-օրյա ցույցն ու  նստացույցը: Երեկվանից սկսած` աննախադեպ բազմամարդ է Բաղրամյան պողոտան. ընդ որում` մեծ է երիտասարդության թիվը:

Ուշ գիշերվանից սկսած` Բաղրամյան պողոտայում գիշերող երիտասարդությունը ինքնակազմակերպվում է` բոլոր առումներով: Երգում են, շուրջպար բռնում, հնչում են ազգային, ազգագրական ու հայրենասիրական երգեր, որոնք կարող են բարձրացնել յուրաքանչյուր հայի ոգին: Եվ եթե նախորդ օրերին երաժշտությունը միացնում էին բարձրախոսներով, հիմա արդեն ցուցարարների շարքերում են դհոլ, զուռնա և դուդուկ, կիթառ, թմբուկ  նվագող երիտասարդներ, և փաստորեն, ցույցն ընթանում  է կենդանի երաժշտության ներքո: