Ինչու է ոստիկանության Նոր Նորքի բաժնի պետը պաշտոնանկ արվել

ՀՀ ոստիկանության պետ Վլադիմիր Գասպարյանի հրամանով` պաշտոնանկ է արվել ոստիկանության Նոր Նորքի բաժնի պետ Արմեն Վաթյանը։ Այս մասին Yerkir.am-ին տեղեկացրեցին ոստիկանության լրատվական բաժնից: 

Հարցին՝ ինչո՞վ էր պայմանավորված այս պաշտոնանկությունը, ՀՀ ոստիկանության հասարակայնության հետ կապի և լրատվության վարչությունից պատասխանեցին, որ պատճառը աշխատանքային պարտականությունները ոչ պատշաճ կատարելն է: «Ա. Վաթյանը ազատվել է աշխատանքից ծառայողական պարտականությունները ոչ պատշաճ կատարելու, անբավարար օպերատիվ կանխարգելիչ միջոցառումներ ձեռնարկելու համար, որի արդյունքում հուլիսի 19-ին տուժել են քաղաքացիներ, ոստիկաններ, նաև միջադեպ է գրանցվել տարածքում նկարահանում կատարող լրագրողի հետ»,- հայտնեցին մեզ: 

Հուլիսի 19-ին հենց Արմեն Վաթյանն է եղել այդ տարածքի պատասխանատուն: