Մայդան, թե` ոչ Մայդան. Vesti.az-ի անդրադարձը

Երեկ Երևանում էլեկտրաէներգիայի թանկացման դեմ տեղի ունեցած զանգվածային բողոքի ակցիաները հայտնվել են ադրբեջանական ԶԼՄ-ների ուշադրության կենտրոնում:

Vesti.az-ն անգամ  հոդված է հրապարակել և զրուցել ռուս փորձագետ, «Версия» թերթի առաջատար քաղաքական մեկնաբան Իգոր Դմիտրիևի հետ՝ փորձելով հասկանալ՝ որքանո՞վ են Երևանում իրադարձությունների նման ուկրաինական Մայդանին:

«Առաջին հայացքից թվում է, թե Հայաստանում այս օրերի դեպքերը Մայդանի կրկնությունն են: Նույն նստացույցը, ցույցի ցրումը մահակներով... Սակայն այստեղ նմանությունն ավարտվում է: Ի տարբերություն Կիևի, Երևանի Ազատության հրապարակում չեն հնչում  աշխարհաքաղաքական հակառուսական կարգախոսներ, այլ միայն` տնտեսական: Ոչ մի քաղաքական ուժ չի հայտարարել այդ «Մեգավատտ Մայդանին», ինչպես որակել են պայքարը ռուսական ԶԼՄ-ները, իր ակտիվ մասնակցության մասին:  Բացի այդ` փոքր Հայաստանում, ի տարբերություն Ուկրաինայի,  չափազանց մեծ է Կրեմլի ազդեցությունը, որպեսզի ռիսկի դիմի կորցել Հարավային Կովկասում ռուսական գլխավոր  պլացդարմը»,- ասել է նա: