Անգամ թուրքն էսքան անխիղճ չէր լինի. Նիկոլայ Ծատուրյանն` էլեկտրաէներգիայի թանկացման մասին

Թողեք, ռադներդ քաշեք էստեղից` սա է ներկայիս իշխանությունների վարած քաղաքականությունը: Այսօր լրագրողների հետ զրույցի ընթացքում ասաց ռեժիսոր, թատերական գործիչ Նիկոլայ Ծատուրյանն` անդրադառնալով էլետրաէներգիայի թանկացման թեմային:

Ըստ նրա` անգամ թուրքն այսքան անխիղճ չէր գտնվի, իսկ մերոնք ժողովրդին միայն քամում են: «Ես չեմ գնալու, ինչ էլ անեն, բայց, ախր, դրանով հարցը չի լուծվի: Ես չեմ կարող ուրիշին ասել` մի' գնա: Որ երեխան սոված է մնում, ո՞նց չգնա»,- ասաց Ծատուրյանը:

Նա նշեց նաև, որ ինչքան դժգոհում ենք, մեկ է, պետությունն իր արածն անում է, և եթե տրանսպորտը չթանկացրեց, թանկացրեց գազը:

Ելքը, Ծատուրյանի կարծիքով, պայքարն է: «Ես երբեք չեմ գնում ցույցերի, ես իմ ձևով եմ պայքարում` ներկայացում եմ բեմադրել, որտեղ ծաղրում եմ ներկայիս իշխանություններին, նրանց ընդունած օրենքները: Ասում են` Հայաստանն աղքատ է, բայց ես չեմ հավատում, լավ էլ միլիոնատեր, միլիարդատեր ունենք»,- ասաց նա: