Թուրքիայի Գերագույն դատարանն ապօրինի է ճանաչել Էրդողանի պալատի կառուցումը

Թուրքիայի Գերագույն դատական խորհուրդը չեղարկել է Անկարայի դատարանի որոշումը, որով թույլատրվում էր Անկարայում «Սպիտակ» նախագահական պալատի շինարարությունը: Այսպիսով` Թուրքիայի նախագահի նստավայրը երկրորդ անգամ ապօրինի է ճանաչվել. տեղեկացնում է Cumhuriyet-ը:

Թուրքիայի Ճարտարապետների պալատը, որն ամեն առիթով իր դժգոհությունն էր հայտնում ապօրինաբար կառուցված պալատի կապակցությամբ, անգամ` նամակ էր հղել Հռոմի պապին՝ հորդորելով չայցելել այնտեղ, այն կառուցելու թույլտվությունը չեղարկելու մասին հայցով դիմել էր Գերագույն դատական խորհուրդ:

Դատարանը որոշել է, որ շինությունը կառուցվել է պահպանվող` Աթաթուրքի անտառ կոչվող տարածքում, որտեղ պալատի կառուցումից առաջ եղել են ծառեր, և դրա շինարարությունն իրականացվել է բազմաթիվ օրենքների խախտմամբ: