Սիրիահայերի սիրիական վարորդական վկայականներն այլևս չեն փոխանակվի հայկականների հետ

Կառավարության այսօրվա նիստում հաստատվեց որոշման նախագիծ, համաձայն որի` սիրիահայերի սիրիական վարորդական վկայականները այլևս չեն փոխանակվի հայկականների հետ։ ՀՀ սփյուռքի փոխնախարար Սերժ Սրապիոնյանը նշեց, որ մինչ օրս Սիրիայից Հայաստան ժամանած սիրիահայերի վարորդական վկայականները ավտոպետտեսչությունը վերցրել և տրամադրել է ժամանակավոր հայկական վկայականներ։

«Ներկայումս կարգավորված չէ այդ սիրիական վկայականների վերադարձի հարցը, բայց մարդիկ ուզում են վերադառնալ ու ուզում են հետ ստանալ վկայականները։ Առաջարկում ենք  Սիրիայի` ազգությամբ հայ քաղաքացիներին վարորդական վկայականները ոչ թե փոխանակել, այլ տրամադրել հայկականը»,- նշեց փոխնախարարը` հավելելով. «Սիրիահայերը կարող են դիմում գրել ու հետ ստանալ իրենց սիրիական վարորդական վկայականները»։