2015-ի ամենաազդեցիկ կանայք` ըստ Forbes-ի

Գերմանիայի կանցլեր Անգելա Մերկելը հինգերորդ անգամ անընդմեջ  գլխավորում է Forbes-ի ամենաազդեցիկ կանանց վարկանիշային աղյուսակը` 2015 թվականի համար:  Այս աղյուսակում, որ հրապարակվում է արդեն 12-րդ անգամ,  Մերկելը տասներորդ անգամ է տեղ զբաղեցնում եւ իններորդ անգամ առաջատար է:

Երկրորդ հորիզոնականում ԱՄՆ նախկին պետքար տուաղր Հիլարի Քլինթոնն է, ով փորձագետների կարծիքով մյուս տարի առաջ կանցնի Գերմանիայի կանցլերից:

Ազդեցիկների եռյակը եզրափակում է Բիլ Գեյթսի կինը` գործարար եւ մարդասեր  Մելինդա Գեյթսը:

Չորրորդ հորիզոնականում տնտեսագետ, Դաշնային պահուստային համակարգի ղեկավար Ջանեթ Յելենն է, հինգերորդը  General Motors-ի տնօրեն Մերի Բարրան է: Արժույթի միջազգային հիմնադրամի  տնօրեն Քրիստին Լագարդը վեցերորդ հորիզոնականում է:  Յոթերորդը Բրազիլիայի նախագահ  Դիլմա Ռուսսեֆն է: Ութերորդ հորիզոնականում Facebook-ի օպերացիոն տնօրեն Շերիլ Սենդբերգն է, իններորդում` Google-ի փոխնախագահ Սյուզան Վոյչիզկին: Առաջին տասնյակը եզրափակում է ԱՄՆ առաջին տիկին Միշել Օբաման:

Թոփ 25-ում ընդգրկված են հիմնականում քաղաքականության եւ բիզնեսի ներկայացուցիչներ:

Շոու բիզնեսի ներկայացուցիչներից ցուցակում տեղ են գտել ամերիկացի հաղորդավարուհի Օփրա Ուինֆրին (12-րդը) եւ երգչուհի Բեյոնսեն (21-րդը):  

Ի դեպ, Մեծ Բրիտանիայի թագուհի Էլիզաբեթ Երկրորդը 41-րդն է: