Ինչո՞ւ են նման խնդիրներ առաջանում. վարչապետը պատասխան պահանջեց Դավիթ Հարությունյանից

Այսօր կառավարության նիստում, երբ փոխքաղաքապետ Կամո Արեյանը ներկայացնում էր որոշման նախագիծ, խնդրեց վարչապետից երկու օր ժամանակ տալ` նախագահի աշխատակազմի հետ որոշ խնդիրներ հստակեցնելու համար:

«Նախագահի աշխատակազմը չի մասնակցո՞ւմ էս նիստերին, նախանիստերին, թող այդ ժամանակ ասեն իրենց խնդիրները: Հիմա ամեն անգամ գալիս ենք էստեղ, երկու-երեք օր ժամանակ խնդրում, ինչի՞ ա սենց խնդիրներ առաջանում, պարո'ն Հարությունյան»,- կառավարության աշխատակազմի ղեկավար-նախարարին դիմեց վարչապետը:

Դավիթ Հարությունյանը նշեց, որ կոմիտեի ժամանակ որևէ խնդիր չկար:

«Հիմա գալիս եք նիստերի ժամանակ, ասում եք` երկու-երեք օր ժամանակ, որ ի՞նչ անեք»,- հարցրեց վարչապետը:

«Էլ չենք ասի»,- արձագանքեց Դավիթ Հարությունյանը: